LOS ENSAYOS Y EL CORONAVIRUS

Cuando decidimos entamar a ensayar a primeros de marzu, nun podíemos maxinar que'l mundu diba camudar nun par de díes. El coronavirus mandónos pa casa un par de meses, pero nun consiguió paranos.

Adautámonos a les nueves circunstancies y, pesie a tar en casa confinaos, les nueves teunoloxíes permitiéronmos siguir ensayando. Nun podíemos tar nel nuestru llocal, pero sí venos les cares, saludanos, tar xuntos na distancia... y ver cómo'l testu diba evolucionando, a la espera de poder aconceyar en persona.

Dempués, llegaron les mázcares y el xel hidroalcohólicu, que nos afogaben cuando teníemos qu'ensayar tres escenes siguíes. Pero, a la fin, el teatru ye la nuestra pasión, y toles torgues se superen cuando se cuenta cola ilusión d'amosar la propia obra.

Caltengan la distancia, aguanten la mázcara, llaven bien les manes... Y esfruten d'esti espeutáculu que fue tán dificultosu de montar.